Forcat e RENEA-s kanë blinduar qytetin e Elbasanit në orët e para të mëngjesit.
Sipas MCN TV, priten të bëhën dhjetëra arrestime me urdhër të Prokurorisë së Posaçme.
Bëhet me dije se Nuredin Dumani ka bashkëpunuar me drejtësinë dhe janë lëshuar më shumë se 30 urdhër arreste nga SPAK.
Operacioni ka nisur rreth orës 5:00 të mëngjesit ndërsa personat që pritet të vihen në pranga janë pjesëtarë të grupeve kriminale që operojnë në qytetin e Elbasanit.
Mes tyre pritet të arrestohen edhe oficerë policie, të cilët kanë bashkëpunuar me krimin e organizuar.
