Një atentat mafioz ka ndodhur mbrëmjen e së mërkurës në Vlorë ku si pasojë ka humbur jetën një 42 vjeçar. RENA ka zbarkuar në qytetin bregdetar për të bërë të mundur kapjen e autorit të kësaj ngjarje.
Raportohet se forcat RENEA në qytet janë vetëm për ekzekutimin e 42 vjeçarit, apo si një masë e shtuar sigurie në lidhje me ngjarjet e fundit kriminale që kanë ndodhur në Vlorë së fundmi.
Deri më tani janë shoqëruar në polici 4 persona, të cilët po merren në pyetje për të hedhë dritë mbi këtë ngjarje. Shkëlzen Velaj është vrarë me 15 plumba që e kanë kapur në bark. 42 vjeçari mësohet ndër të tjera se ka qenë i arrestuar në 2019 për trafikim të lëndëve narkotike,.
Ndërkaq gjashtë vite më parë në 2015, viktimës i kanë vrarë vëllain në të ashtuquajturën “Masakra e Çoles” ku humbën jetën 3 të rinj.
