Gjendja shëndetsore e punonjësve të uzinës së naftës të cilët ndodhen prej ditësh në grevë urie, është në situatë kritike.
Mësohet se ditën e sotme grevisti, Pirro Hoxhara ka shfaqur probleme shëndetësore ku edhe është dërguar me urgjencë në spital.
Raportohet se gjendja e grevistëve është duke u përkeqësuar, Hoxhara kishte probleme me tensionin e gjakut. Ndërkohë është dërguar në spitalin e Ballshit ku edhe po trajtohet nga mjekët, pavarësisht kësaj protesta vazhdon.
“Jemi në ditën e 9 të grevës së urisë, një nga kolegët është dërguar në spital. Kolegët e tjerë nuk pranojnë të heqin dorë nga greva. Protesta do të përshkallëzohet, është nisur një mesazh i qartë, kërkesa për pagat është e panegociueshme”, theksoi ai.
