Cape Verde, është një komb i vogël ishullor i cili, ka shkruar historinë kjo pasi u kualifikua për herë të parë në Kupën e Botës. Ekipi siguroi fitoren përballë Eswatini, në një ndeshje e cila u mbyll me rezultatin 3-0. Duke i siguruar kështu një “stol” vetes në kompeticionin më “gjigant” të futbollit.
Sipas “Times Of India”, Cape Verde është vendi i dytë më i vogël që arrin në Botëror, pas Islandës. “Peshkaqenët blu” dominuan grupi D me 23 pikë ,duke u vënë përpara Kamerunit, vend i cili është 8 herë pjesëmarrëse e Botërorit.
Ndërsa për suksesin historik të skuadrës ka folur edhe trajneri, Pedro Bitro. Ky i fundit është shprehur se kualifikimi ishte dhurata më e çmuar e ekipit për vendin duke theksuar edhe rëndësinë e arritjes gjatë 50-vjetorit të pavarësisë së vendit.
“T’u japësh këtë lumturi këtyre njerëzve është e jashtëzakonshme… është një fitore për të gjithë popullin tonë dhe mbi të gjitha, një fitore për ata që luftuan për pavarësinë tonë”, ka thënë trajneri Bitro.
