Pas rekomandimit pozitiv të Komisionit Europian për çeljen e negociatave për anëtarësim të Shqipërisë në BE ka reaguar edhe Ambasada e Shteteve të Bashkuara të Tiranë.
Ambasada shprehet se Shtetet e Bashkuara mbeten të përkushtuara që të punojnë me partnerët shqiptarë dhe të BE-së për të siguruar integrimin me sukses të Shqipërisë në Bashkimin Europian.
“Ne mirëpresim rekomandimin e Komisionit Europian për hapjen e bisedimeve të anëtarësimit me Shqipërinë dhe konfirmimin e saj se Shqipëria vijon të bëjë përpara në zbatimin e reformave jetike dhe të pakthyeshme. Shtetet e Bashkuara mbeten të përkushtuara që të punojnë me partnerët tanë shqiptarë dhe të BE-së për të siguruar integrimin me sukses të Shqipërisë në Bashkimin Europian, përfshirë edhe mbështetjen tonë të plotë për zbatimin në vijim të reformave legjitime dhe kushtetuese gjyqësore”, shkruan Ambasada e SHBA.
