Një poster kundër dyhanpirjes që është shfaqur në rrugët e Moskës përdor imazhin e presidentit amerikan Barack Obama. Në të shkruhet “duhani vret më shumë njerëz se Obama”. Kjo nuk është thjesht një sarkazëm për duhanpirjen dhe faktin që Obama e ka pirë duhanin në rininë e tij, por ka krijuar një reagim në internet që e shohin presidentin amerikan si një vrasës masiv.
Dmitry Gudkov, i vetmi deputet liberal i opozitës në parlamentin e Rusisë postoi një fotografi të posterit të madh, i cili ishte në një kornizë metalike dhe xhami në një strehë të autobusëve në një prej rrugëve kryesore të Moskës.
“Pirja e duhanit vret më shumë njerëz se sa Obama, edhe pse ai vret shumë dhe shumë njerëz”, lexohej në poster, duke treguar një ilustrim të presidentit duhanit llumin e fundit të një cigare. “Mos pini duhan, mos u bëni si Obama”, shkruhej poshtë fotos.
Gudkov shkroi se ajo ishte “e neveritshme dhe e turpshme që lejohej të shfaqej në rrugët e kryeqytetit rus.” Postimi i tij në Facebook ka marrë më shumë se 1300 pëlqime, qindra komente pozitive dhe negative dhe mbulim të gjerë median ruse.
“Së shpejti ata do të frikësojnë fëmijët me Obamën sikur të ishte një magjistare nga tregimet popullore ruse”, Gudkov i tha The Guardian./27.al/
