Regjizori Saimir Kumbaro ka deklaruar se Ministria e Kulturës ka refuzuar kërkesën e tij për të xhiruar ikonat e sekuestruara të Gjergji Thimios.
Përmes një statusi ai thotë se përgjigja e dhënë nga Ministria e Kulturës e lë që të dyshojë se ikonat e Gjergjit nuk janë më, kanë “avulluar”.
“E takova Gjergj Thimon, koleksionistin e burgosur mbas daljes nga burgu. Ja kishin marrë të gjithë koleksionin! Nuk po them ja kishin vjedhur për të ruajtur etikën” – shprehet Kumbaro.
Kombaro sqaron se ikonat do ti filmonte për të realizuar dokumentarin “Një cicëron për historinë”.
Statusi i plotë
Prej gati 1 muaji kam filluar xhirimet e dokumentarit historik, “Një cicëron për historinë” mes të tjerash kam edhe një personazh për të cilin 15 vjet më parë kam realizuar një dokumentar mbi aktivitetin e tij të koleksioneve të ikonave. E takova Gjergj Thimon, koleksionistin e burgosur mbas daljes nga burgu. Ja kishin marrë të gjithë koleksionin! Nuk po them ja kishin vjedhur për të ruajtur etikën. Meqe e dija pak a shumë se kush ishin ikonat e tij ju drejtova me shkresë nëpërmjet producentit të më lejonin t’i filmoja në fondin e muzeut kombëtar ku gjenden aktualisht.
Më kanë thënë se një pjesë e ikonave të Gjergj Thimos kanë “avulluar”. Pergjigja nga ministria e kulturës me datë 28 mars erdhi se refuzonte të më jepte leje që ti filmoja. Perse vallë! Në shkresën e mos lejimit më thuhej se ikonat do shpërndaheshin nëpër institucione të ndryshme dhe pastaj mund të ribëja kërkesë që të lejohej filmimi. Pergjigje e trashë nga një punonjëse e pa aftë e një institucioni gjysëm injorant. Përgjigja më le të dyshoj se ikonat e Gjergjit nuk janë më. Prokuroria e pavarur politikisht duhet të nise procesin e hetimit se ku ka përfunduar koleksioni i Thimos.
