Ministria e Shëndetësisë njoftoi për 3 raste të reja me koronavirus gjatë 24 orëve të fundit në Patos.
Tre rastet e regjistruara në Patos janë kontakte të pacientes nga Margëllici. Mes rasteve të konfirmuara pozitiv është edhe një fëmijë. Mësohet se nga 8 mostrat e marra një ditë më parë 3 kanë rezultuar pozitiv, duke e çuar në 5 numrin e personave pozitiv në Patos.
Tre rastet e fundit pozitiv janë duke u ndjekur në mënyrë ambulatore, ndërkohë që në QSUT ndodhen të shtruar 2 pacientë. Rreth 60 persona ndodhen në karantinë aktualisht.
