Programi më populloi i kërcimit në botë “Dancing With The Stars” i cili po pritej me padurim më në fund startoi. Mes shumë zërave se cilët do të ishin personazhet që do të merrnin pjesë u zbuluan pak ditë para nisjes me një video promo në profilin zyrtar në Instagram.
Konkurrentët e spektaklit janë: Alban Nimani, Sara Hoxha, Isli Islami, Megi Pojani, Ardit Çuni, Deborah Keçi, Salsano Rrapi, Irini Qirjako, Arbër Çepani, Elhaida Dani, Ilir Dushkaj, Elona Duro dhe Gent Hazizi.
Ndërsa anëtarët e jurisë të cilët do të vlerësojnë performancat e artistëve janë: Kledi Kadiu (kryetar i jurisë), Valbona Selimllari, Dalina Buzi dhe Armand Peza.
Së fundmi burime për “Prive” kanë zbuluar emrin e një këngëtareje të njohur e cila duket se e ka refuzuar ftesën për të qenë pjesë e “DWTS”.
Këngëtarja është Mihrije Braha, e cila thuhet se për shkak të angazhimeve të saj në karrierën muzikore e ka refuzuar këtë eksperiencë. Sipas Mihrijes koha që kërkon ky spektakël, i bëhej pengesë në punën e saj.
Kujtojmë se spektakli është nën drejtimin e Bora Zemanit dhe Eno Popit i cili qëndron në “Golden Room” me konkurrentët. E ftuar në “Më lër të flas”, Bora tregoi si e priti propozimin për të qenë pjesë e spektaklit.
Moderatorja zbuloi se kur ishte e vogël e ka imagjinuar veten ta prezantojë.
“Fillimet e reja janë gjithmonë shumë të bukura, ky është një nga programet që e kam pëlqyer gjithmonë që kur isha e vogël thoja “a do ta prezantoj unë.” Plus kam studiuar edhe balet dhe e ndjej veten shumë mirë aty”.
