Nga Shkodra, europarlamentarja Inese Vaidere shprehet se duhet përllogaritur humbjet e jetëve njerëz, siç është bërë edhe në vendin e saj.
E pyetur, për negociatat europarlamentarja tha se duhet të punoni në kuadër të reformave dhe se “JO” e negociatave nuk ishte vendim i Parlamentit Europian.
“Në vendin tim e kemi bërë dhe kemi një përllogaritje të viktimave nga fashizmi apo nazizmi dhe Shqipëria duhet të llogarisë dhe ballafaqojë shifrat e viktimave të komunizmit. Nuk është e lehtë, edhe në Bashkimin Europian në Parlament kishte zëra kundër dhe kjo është e paimagjinueshme. Kjo ekspozitë është e jashtëzakonshme, këto janë fytyrat e vuajtjeve të komunizmit dhe unë do i marr me vete dhe do i dërgoj në Parlamentin Europian
Sipas meje, Ballkani është duke ecur ne rrugën e duhur dhe sigurisht do të keni një dritë jeshile në të ardhmen, por nuk mund të them se kur do të ndodhë. Gjithsesi, nuk duhet të pushoni së punuari në kuadër të reformave, përmirësimit të situatës në vend dhe të forcimit të sundimit të ligjit.
BE sigurisht që është një organizatë e rëndësishme dhe demokratike. Në momentin që niveli demokracisë do ti afrohet nivelit të demokracisë së BE, normalisht që jeni të mirepritur. Jo-ja nuk ishte vendim i Parlamentit Europian dhe nuk kam çfarë të shtoj më tepër,” është shprehur Vaidere.
