Hungaria do të dërgojë më shumë policë dhe trupa ushtarake në kufijtë e saj jugorë.
Ko u bë me dije nga ministri i Punëve të Brendshme, Sandor Pinter.
“Hungaria do ta forcojë mbrojtjen e kufijve të saj dhe ne shpallim gjendje të jashtëzakonshme për shkak të emigrantëve, në nivel vendi”, ka thënë Pinter
Ai tha se Sllovenia, Kroacia dhe Serbia kanë ndërmarrë hapa për ta limituar numrin e emigrantëve që mund t’i kalojnë kufijtë e tyre.
Pinter tha se Hungaria gjithashtu ka bërë përgatitje përgjatë kufirit të saj me Rumaninë, në mënyrë që të jetë në gjendje të ndërtojë një gardh atje, nëse është e nevojshme, brenda 10 ditëve.
Hungaria gjithashtu e ka ndërtuar një gardh në kufijtë e saj me Serbinë dhe Kroacinë.
Të gjitha vendet e Ballkanit kanë vendosur që të bllokojnë kufijtë e tyre për refugjatët, duke shkaktuar një kaos të vërtetë.
