Tryeza e Reformës zgjedhore mblidhet sërish këtë të martë në kuadër të takimeve për diskutimin e planit të punës të përcaktuar. Ndërkohë pak para takimit janë zbardhur propozimet e Partisë Demokratike për financimin e partive politike.
Në draft propozimin e Partisë Demokratike, theksohet se burimet e financimit të fushatës për subjektet zgjedhore janë fondet e dhëna paradhënie nga Buxheti i Shtetit për partitë politike të regjistruara si subjekte zgjedhore. Janë po ashtu të ardhurat e vetë subjektit zgjedhor të krijuara sipas ligjit.
Ndër të tjera në propzimin e PD-së për financimin e partive politike thuhet se financimi i partive udhëhiqet nga parimi i transparencës. Të dhënat për burimet financiare të partive, si dhe për shpenzimet e tyre publikohen kurdoherë.
Sipas draftit Komisioni Qendror i Zgjedhjeve është organi përgjegjës për monitorimin dhe mbikëqyrjen e financimit të partive, sipas rregullave të këtij ligji./abcnews.al
