Opozita e Bashkuar ka dalë me një qendrim zyrtar lidhur me reformën zgjedhore, ku thuhet se duhet të ngrihet një komision i ri në përbërje të së cilit duhet të jenë përfaqësues OSBE, BE dhe SHBA.
Në deklaratën e opozitës, ndër të tjera thuhet se “mbështesim realizimin e një Reforme të vërtetë Zgjedhore”.
“Diskutimet mbi Reformën Zgjedhore duhet të jenë transparente, gjithëpërfshirëse dhe publike. Komisioni aktual Parlamentar për Reformën Zgjedhore është produkt i zgjedhjeve të 2017-ës, të diktuara nga krimi dhe nuk ka legjitimitet për këtë reformë”, thuhet më tej .
