Ambasadori i BE në Tiranë, Luigi Soreca ka reaguar lidhur me tryezën e OSBE për reformën zgjedhore.
Përmes një postimi në rrjetet sociale, Soreca shkruan se partitë politike kanë nevojë për dialog të plotë për të adresuar me shpejtësi rekomandimet e ODIHR dhe për të kapërcyer situatën aktuale politike.
“Ne mirëpresim angazhimin e liderëve të # Shqipërisë të partive opozitare në kontekstin e tryezës së rrumbullakët për reformën zgjedhore, të lehtësuar nga @OSCE. Ka nevojë për dialog të plotë ndër-partiak për të adresuar me shpejtësi rekomandimet e ODIHR dhe për të kapërcyer situatën aktuale politike.” shkruan Soreca në twitter.
