Presidenti i Katalunjës ka akuzuar qeverinë spanjolle se po vepron “përtej limiteve të një demokracie të respektueshme” dhe se po shkel të drejtat fundamentale, në përpjekjet e saj të fundit për të penguar mbajtjen e një referendumi pavarësie më 1 tetor.
Një ditë pasi oficerët spanjollë të Gardës Civile bastisën ndërtesat e qeverisë rajonale dhe arrestuan 14 zyrtarë të lartë, Carles Puigdemont këmbëngul se votimi do të zhvillohet gjithsesi, pavarësisht presionit gjithnjë e në rritje.
Puigdemont thonë se kërkesat për negociata me qeverinë e Madridit janë injoruar dhjetëra herë dhe se ekzekutivi spanjoll po refuzon të zhvillojë ndonjë dialog mbi këtë çështje.
Puigdemont tha se referendumi do të zhvillohet më 1 tetor, pavarësisht çfarëdolloj hapi që mund të marrë në vijim qeveria spanjolle.
