Ndryshe nga vitet e tjera këtë verë arsimtarët e qarkut Tiranë nuk do bëjnë 45 ditë pushimi gjatë stinës së verës, por vetëm 30 ditë.
Reagimi i KSSH
Ky vendim i firmosur nga Drejtoresha e Drejtorisë Arsimore Tiranë është i paligjshëm dhe Konfederata e Sindikatave të Shqipërisë do ta ndjekë ligjërisht këtë çështje.
Mësuesit e Tiranës janë drejtuar tek Konfederata e Sindikatave të Shqipërisë,e cila do kërkojë respektimin e të drejtave të tyre themelore.
Vetëm pak kohë më parë Ministria e Arsimit nënshkroi kontratën kolektive me FSASH/SPASH, që drejtohen nga pseudo-sindikalistë sindikatash fiktive.
30 ditë pushime për arsimtarët është vetëm fryti i parë i nënshkrimit të kësaj kontrate diskriminuese.
Konfederata e Sindikatave të Shqipërisë i kërkon Ministrisë së Arsimit të distancohet nga ky veprim i Zyrës Arsimore Tiranë.
Konfedereta e Sindikatave të Shqipërisë i bën thirrje Ministres Arsimit Lindita Nikolla të rishikojë kontratën kolektive të nënshkruar me sindikatat fantazmë, të cilat nuk kanë asnjë lidhje me mbrojtjen e të drejtave të arsimtarëve.
Në lidhje me nënshkrimin e kontratës re kolektive Konfederata e Sindikatave po ndjek procedurat ligjore për t’ju drejtuar gjykatës.
Nëse MASR nuk reagon pozitivisht dhe në përmbushje të detyrimeve ligjore KSSH me 1 shtator do fillojnë veprimet e lëvizjet sindikale duke pezulluar me greve fillimin e vitit shkollor.
Konfederata e Sindikatave do t’i kërkojë Kryeministrit, Edi Rama, shkarkimin e Ministres e Arsimit, si shkaktare të gjendjes kaotike në sistemin arsimor.
