Pas shkarkimit hakmarrës prej lalit ka reaguar ish-nënkryetarja e Bashkisë, Kozeta Mesiti, e cila nuk pranoi të rreshtohet në kuadrat me regjimin.
Ajo nuk u fsheh pas gishtit, por pranoi që jo vetëm mori pjesë në në protestën e 16 shkurtit të opozitës, ndërsa shpalosi të drejtën e saj themelore si qytetare e lirë të demonstrojë.
“Jam krenare që kam perfaqesuar PDIU si nënkryetare e Bashkisë Tiranë, në këto muaj.
Askush nuk mund të më ndalojë si qytetare e lirë, në ditë pushimi, t’i bashkohem qindra mijëra shqiptarëve që protestuan kundër qeverisë, skamjes, zbrazjes së vendit nga rinia dhe gjithçka tjetër që rëndon çdo ditë e më shumë jetën e qytetareve. Personalisht, ndjehem e nderuar që isha pjesë e asaj proteste madhështore si shprehja më e mirë e qytetarisë për të reaguar dhe mos u nënshtruar.”, ka qenë reagimi i Mesitit.
