Një raporti i fundit i Organizatës Botërore të Shëndetësisë raporton se fëmijët shqiptarë janë me të lumturit në Europë. Raporti ka nxjerr në pah se 93% e 11 vjeçarëve shqiptarë ndihen të lumtur në familje, dhe kanë mbështetjen e prindërve në çdo moment.
Komunikimi brenda famlijes në vendin tonë është mjaft i mirë. 68% e vajzave adoleshente dhe 64% e djemve, deklarojnë se komunikimi në familjet e tyre është real. Të bisedosh me mamin për problemet e ndryshme duket se është një tjetër, pikë që i rendit të rinjtë shqiptarë në vendin e parë në gjithë Europën.
Referuar të dhënave, 95% e vajzave dhe 94% e djemve e kanë të lehtë bisedën me mamin. Ndërsa biseda me babin duket më e vështirë. Pasi Shqipëria renditet e 15-ta në listën e 42 vendeve. 74% e vajzave dhe 87% e djemve 11-vjeçarë kërkojnë ndihmën e babait për problemet e tyre dhe me rritjen e moshës kjo përqindje bie ndjeshëm.
Raporti jep detaje mjaft interesante për mënyrën e jetesës, problemet, marrëdhëniet me familjen, shkollën, duhanpirjen, përdorimin e alkoolit e shumë fenomene të tjera për fëmijët deri në moshën 15-vjecare.
Raporti merr në analizë 42 shtete, mes të cilave edhe vendi tonë. Rezultatet e studimit janë surpizuese. Pyetjes se sa të kënaqur janë me jetën e tyre, grupmoshat 11, 13 dhe 15 vjeçare i përgjigjen me notën maksimale, duke e nxjerrë Shqipërinë në vend të parë kundrejt 41 shteteve të tjera të analizuara e duke lënë pas vende si Hollanda, Suedia, Danimarka apo Finlanda.
Pjesa dërrmuese e raportit prej 294 faqesh i referohet më së shumti marrëdhënieve sociale apo shëndetit. Ndërkohë, dy seksione të posaçme i referohen përdorimit të duhanit dhe alokolit. 11% e meshkujve 15-vjeçar dhe 4% e femrave 15-vjeçare raportojnë se kanë pirë për herë cigare në moshën 13-vjeçare. Kjo normë është shumë herë më e ulët se ajo e vendeve të tjera të analizuara. Pas Shqipërisë qëndron vetëm Islanda.
Në mënyrë të çuditshme kjo normë bie edhe më tej në raportin 1 me 8, kur pyetja shtrohet ndryshe: A pini të paktën një cigare në javë? Alarmante deri diku paraqitet situata në seksionin që i referohet përdorimit të alkoolit. 3% e vajzave 11 vjeçare dhe 7% e djemve 11 vjeçarë shqiptarë raportojnë se pijnë alkool të paktën njëherë në javë. Për 15 vjeçarët ky raport ngjitet në 10 me 23% në favor të djemve.
