Në dy vite pandemi, si pasojë e Covid-19 kanë humbur jetën gati 15 milionë njerëz sipas raportitnga Organizata Botërore e Shëndetësisë ndërsa theksohet se ky numër paraqet trefishin e shifrave zyrtare të raportuara prej thuajse 6.3 milionë raste vdekjesh nga virusi vdekjeprurës.
Sipas llogaritjeve nga OBSH-ja zbulohet se numri i vdekjeve të lidhura drejtpërdrejt ose indirekte me pandeminë Covid-19, të cilësuara si “vdekshmëri e tepërt”, midis 1 janarit 2020 dhe 31 dhjetorit 2021 ishte afërsisht 14.9 milionë, dhe potencialisht deri në 16.6 milionë.
OBSH-ja përllogariti vdekshmërinë e tepërt si diferencë mes numrit të vdekjeve që kanë ndodhur dhe numrit që do të pritej në mungesë të pandemisë duke u bazuar në të dhënat e viteve të mëparshme.
Vdekshmëria e tepërt përfshin vdekjet e lidhura me Covid-19 drejtpërdrejt, për shkak të sëmundjes, ose indirekt, kur njerëzit që vuanin nga probleme të tjera shëndetësore nuk patën mundësi të parandalonin apo trajtonin problemet e tyre sepse sistemet shëndetësore ishin të mbingarkuar nga numri i lartë i pacientëve.
OBSH theksoi se vdekshmëria e tepërt mund të jetë kufizuar nga vdekjet e shmangura gjatë karantinave për shkak të rreziqeve më të ulëta të ngjarjeve, të tilla si aksidentet rrugore ose lëndimet në punë.
Sipas OBSH, shumica e këtyre “vdekjeve shtesë”, 84, janë të përqendruara në Azinë Juglindore, Azi, Evropë dhe tek Amerikat. Vendet me të ardhura të mesme përbënin 81 për qind të vdekshmërisë së tepërt, vendet me të ardhura të larta 15 për qind dhe vendet me të ardhura të ulëta 4%.
“Këto të dhëna kthjelluese jo vetëm që tregojnë ndikimin e pandemisë, por edhe nevojën që të gjitha vendet të investojnë në sisteme shëndetësore më elastike që mund të mbështesin shërbimet thelbësore shëndetësore gjatë krizave, duke përfshirë sisteme më të forta të informacionit shëndetësor,” Dr. Tedros Adhanom Ghebreyesus, drejtori i Përgjithshëm i OBSH-së, në një deklaratë.
