Sipas raportit të fundit të “Henley & Partners”, qytetarët shqiptarët mund të udhëtojnë pa viza në 116 shtete të botës. Shqipëria është ngritur deri në 28 vende në indeks gjatë dhjetë viteve të fundit, me destinacionet që i janë shtuar shtetasve të saj për të lëvizuar pa viza.
Kosova, është shteti europian me pasaportën më të dobët, e cila renditet në vendin e 95 me lëvizje vetëm në 43 shtete pa viza.
Në Europë, pasaporta gjermane mbetet më e fuqishmja, duke patur akses lëvizjeje pa viza në 188 shtete. Ndërsa në tërë botën, Japonia, Koreja e Jugut dhe Singapori vazhdojnë të kryesojnë si vendet me pasaportat më të fuqishme në botë: shtetasit e tyre mund të qarkullojnë lirshëm në 189 shtete.
Indeksi i pasaportave të Henley është radhitja origjinale e të gjitha pasaportave të botës, sipas numrit të destinacioneve që mbajtësit e tyre mund të shkojnë pa vizë.
