Drejtoria Qendrore për Shërbimet e Antidrogës në Itali publikoi raportin e antidrogës italiane ku vlerësohet se në vitin 2016 pati një rritje e ndjeshme të sekuestrimeve të marijuanës, në 41.6 ton apo gati 347.15% më shumë në krahasim me vitin 2015.
Sipas raportit, në vitin 2016 kishte një rritje të ndjeshme të trafikut të drogës në të dy anët e Kanalit të Otrantos mes Shqipërisë dhe Italisë, në kontrast absolut me vitin e shkuar ku kishte më pak aktivitet në trafikun e narkotikëve.
Nga të dhënat e antidrogës italiane shqiptarë zinin vendin e dytë për nga numri i arrestimeve dhe rasteve të dërguara në gjykata pas marokienëve përgjatë vitit 2016.
Ky rajon është në qendër të rrugëve kryesore të Mesdheut, në veçanti Ballkanit, ku është përqendruar, kohët e fundit, trafiku i marijuanës nga Shqipëria shkruan Zëri i Amerikës.
Sipas Raportit të fundit të Qendrës Europiane të Monitorimit të drogës publikur pak ditë më parë Italia është ndër konsumatorët më të mëdhenj të marijuanës në Europë,duke u renditur pas Francës me rreth 19% të të rinjve nga mosha 19-34 vjec. Pjesa më e madhe e marijuanës u dërgua përgjatë vitit 2016 nga Shqipëria me gomone nga rajoni i Vlorës apo përmes automjeteve kryesisht nga Porti i Durrësit.
