Kryemisnitrit Edi Rama nuk i del e keqja me SPAK, ku e ka sulmuar sërish gjatë Asamblenë e PS. Në përfundim të fjalës së tij, Rama tha se durimi i tij po mbaron, ndërsa i bëri thirrje se nën hetim duhet të merret edhe presidenti Ilir Meta, ndërsa shtroi pyetjen se përse ish-kryeministri Sali Berisha i shpallur non grata nga SHBA, nuk po hetohet.
Gjithashtu Rama nuk harron të përmendi edhe rastin e Berishës ku sipas tij, SPAK po tallet pasi nuk po merr ende në hetim, duke thënë se ai është problem i Shqipërisë dhe jo SHBA.
“Jo unë por e gjithë Shqipëria mezi pret që ta shohë Ilir Metën para SPAK, kur e kemi ndërmarrë Reformën në Drejtësi, unë personalisht e kam udhëhequr, pa bërë asnjëherë asnjë diskutim, të asnjë neni, që gjithkush këtu, edhe juristët tanë kanë pasur rezerva.
Për hir të së vërtetës, jam para faktit se ata që e nxinë totalisht Shqipërinë, janë sot të paprekur, të gjithë, dhe merren me Ardian Dvoranin që sot e gjithë ditës jeton në një apartament të kohës së diktaturës.
Për të mos folur pastaj për këtë non gratën e madhe, bashkë me shpurën e tij, që na treguakan se nuk ulen me ne për të biseduar për presidentit, po nuk ua dhamë atyre presidencën. Këtu është të kesh dy, një ta mbash dhe një ta çash, se një nuk mjafton.
Non grata nuk është një problem i Amerikës, është një problem i Shqipërisë, nuk është një hall i Amerikës, por i Shqipërisë.
Nëse në këtë vend non grata e madhe, ai i dyti atje, që është i pari në fakt, që SPAK… gjykatësit dhe prokurorët që e bënë baltë dhe gjak të pafajshëm të sistemit të drejtësisë. Të hetohet kushdoqoftë që i përket kësaj bashkësie politike, bujrum çojini, por realisht po hyni në kohën shtesë të ndeshjes me të keqen në këtë vend, dhe ju skualifikoheni deri tani. Dhe kualifikimi i të keqes është se e keqja do të na vërë përfund sërish këtë vend, siç e kishte vënë përpara se të krijoheshit ju.
PS nuk do të lërë dy gurë bashkë që të mos e lejojë këtë, kemi mbajtur një qëndrim të jashtëzakonshëm për Reformën në Drejtësi, nuk gjendet një diskutim ku të jetë vënë në dyshim qendrimi ynë në raport me këdoqoftë për të cilin drejtësia ka llogari për të bërë. Nuk kemi bërë as gëk as mëk, kur është dashur të merret para drejtësisë secili prej nesh. Tani nuk mban më përballë kësaj tallje të madh, kjo është shumë tallje e madhe”, tha Rama.
