Kryeministri Edi Rama ka zbardhur detaje nga takimi me Ndihmës/Sekretaren Amerikane të Shtetit për Evropën dhe Euro-Azinë, Karen Donfried.
Përmes një postimi në Facebook, Rama shkruan se me Donfried kanë diskutuar për ecurinë e reformave, forcimin e drejtësisë, veton e Bullgarisë ndaj Maqedonisë së Veriut, si edhe për mbështetjen që Shtetet e Bashkuara sipas tij, i japin Ballkanit të Hapur.
“Me Ndihmës/Sekretaren Amerikane të Shtetit për Evropën dhe Euro-Azinë, Karen Donfried. Diskutuam gjerësisht për ecurinë pozitive të reformave, forcimin e drejtësisë, investimet strategjike në energji, veton e Bullgarisë ndaj Maqedonisë së Veriut, situatën në rajon, si edhe për mbështetjen e plotë që Shtetet e Bashkuara i japin Ballkanit të Hapur. Konsideratat e Ndihmës/Sekretares për rolin e Shqipërisë në Këshillin e Sigurimit dhe në rajonin tonë ishin mbresëlënëse”, shkruan Rama.
