Kryetari i Partisë Demokratike, Sali Berisha është ndalur tek skandali me AKSHI-n, që sipas tij është një kërcënim për sigurinë kombëtare.
Berisha u shpreh se të gjitha të dhënat e shqiptarëve janë disponuar nga grupi strukturuar kriminal më ne krye sipas tij nga Ergys Agasi dhe Mirlinda Karçanaj.
“Çdo e dhënë për çdo shqiptar, çdo e dhënë për sigurinë kombëtare të Shqipërisë, të gjitha pa përjashtim në një bashkëpunim kriminal të AKSHI-t janë disponuar nga Ergys Agasi, Fatmir Tropolini, Elvis Doçi, Suel Çela kartelet e drogës në Amerikën Latinë
Të gjitha të dhënat janë eksportuar nga sistemet e IT në Shqipëri, nga famëziu Ermal Beqiri, Ergys Agasi dhe Mirlinda Karçanaj. Kjo përbën ngjarjen më të rëndë të sigurisë kombëtare dhe të shtetit shqiptar”, tha Berisha.
Më tej ai u shpreh se nga frika e bllokimit të AKSHI-t, Rama ka urdhëruar qe te paguhen 25 milione euro per kunatin e tij.
“Edi Rama ka urdhëruar dy ditë më parë t’iu paguhen kunatit 25 milionë euro nga tenderi për përmirësimin e inteligjencës artificiale, që është fund e krye një falsitet. Pra, imagjinoni, familja Rama merr për tenderin për përmirësimin e inteligjencës artificiale, se plasi inteligjenca artificiale në Shqipëri, 75 milionë euro. Dhe duke e ditur se AKSHI mund të bllokohet, sekuestrohet, Rama urdhëron Thesarin, urdhëroi financat t’i disbursojnë me urgjencë lotin e fundit të parave të papaguara, 25 milionë euro nga 75.
Përveç këtyre, të dhënat, të cilat ligji i ndalon strikt angazhimin e kompanive të huaja në administrimin e tyre, iu janë ofruar edhe kompanive të huaja. Pra, me një akt që shkel çdo ligj dhe çdo parim, çdo e dhënë personale e çdo shqiptari që ka letërnjoftim apo pasaportë, që ka konto bankare, që ka sigurime shoqërore apo ndihmë ekonomike, të gjitha llojet e të dhënave janë eksportuar në duart e grupeve kriminale në mënyrë që ato të mund të programojnë për interesat e tyre. Edi Rama duhet të japë urgjentisht dorëheqjen”, tha Berisha
