Pas fjalës së kryetarit të Lulzim Basha, i cili sulmoi qeverinë e re “Rama 3”, të cilën e quajti si një qeveri e interesave të oligarkëve, në foltoren e Kuvendit ka dalë kryeministri Edi Rama, i cili ka reaguar pas këtyre akuzave.
Ai u shpreh se kjo vjen për shkak se Partia Socialiste është një parti që është e hapur për të gjithë që mund të shërbejnë, ndërsa tha se me këtë qeveri, opozita për një fgarë kohe nuk ka asnjë mundësi që të hedhë baltë.
“Po e nis nga shprehja brutale dhe e neveritshme e kryetarit të PD-së në këtë foltore, që iu drejtua zonjave në podiumin e qeverisë, duke thënë me fjalë të pa menduara atë që është problemi i tij dhe problemi i tyre. Nuk kanë të paktën për disa kohë asnjë mundësi që të hedhin baltë. Zero! Sepse kush është bashkuar me ne në qeveri duke ardhur nga të tjera drejtime ka një karrierë profesionale dhe ka një integritet të padiskutueshëm, dhe mishëron atë që jemi ne, atë që PS ka qenë kohë më parë dhe atë që e ka bërë atë krejtësisht të ndryshme nga këto partitë e tjera dhe që ka mundësuar ripërtëritjen e vazhdueshme të saj dhe të qenit një platformë për këdo që ka diçka për të dhënë”, – tha Kryeministri.
Më tej ai shtoi se edhe vetë ka ardhur nga rruga e shoqërisë aktive civile, e jo nga partia.
“Unë kam ardhur jo nga rruga e partisë por nga rruga e shoqërisë aktive civile, urbane, ndërkohë që duke parë përballë meje, shumëkush këtu është si unë dhe të gjithë së bashku jemi Partia Socialiste, forca që ka lindur për të qenë e hapur për të gjithë.
Nga ana tjetër është shumë e qartë se ne sot jemi më shumë dhe jemi më të fortë sesa ishim një muaj më parë, sepse ne kami më shumë forca. Ne jemi gati për një betejë që nuk diskutohet nëse do të fitojmë, por sesi do ta drejtojmë këtë vend.
Natyrisht që nuk ka patur në parë një mundësi për ata që protestojnë, që të dëgjohen dhe respektohen siç janë dëgjuar dhe respektuar protestuesit ndaj nesh”, – tha ndër të tjera Rama.
Nga ana tjetër opozita pas fjalës së kryetarit të saj ka braktisur seancën plenare.
/ Faxweb.al/
