Në mbledhjen e grupit parlamentar të PS, ku po diskutohet për emrin e Presidentit të ri, kryeministri Edi Rama u shpreh se në vend pritet të miratohen dy ligje që do të kontrollojnë veprimtarinë e Presidentit të ri, duke e bërë institucionin e Presidencës një vegël tjetër në duart e PS.
Ndonëse kërkoi që Presidenti të jetë apolitik, Rama tha se në Shqipëri do të vendosen dy ligje, fillimisht ai që kontrollon veprimtarinë e presidentit gjithashtu edhe ligji për të “frenuar” shpërndarjen e medaljeve. Më herët, Rama sulmoi Metën për të cilin tha se e ka kthyer Shqipërinë në vend qesharak duke “dhënë” tonelata medalje si askush tjetër shtet në botë.
“Kemi ngarkuar një ekip për të përgatitur ligjin për Presidentin e Republikës, nuk e kemi shtyrë më tepër duke e quajtur të panevojshme kur kemi të bëjmë me një president që nuk njeh ligjin as kushtetutën duke mos njohur asnjë binar tjetër do të ishte e kotë prandaj paralelisht me zgjedhjen e presidentit do të futim edhe ligjin e presidentit e cila do të bëjë diçka që Presidenti kur të futet në zyrë do të ketë një ligj që rregullon veprimtarinë e vet, na tak ta bëjmë këtë edhe ligjin por medaljet e kemi gati dhe atë nuk e kemi futur në procesin e miratimit pikërisht sepse do të ishte e kot që ta bënim këtë pa u larguar fillimisht presidenti që me tonelatat më të mëdha të teneqeve të shpërndara në Shqipëri qysh kur Shqipëria ka hyrë në epokën e bronzit. Kemi tituj dhe medalje pa sistem në të gjithë botën, grupi i punës ka studiuar të gjitha kontinentet me kërkesën tonë që të kemi një studim të plotë. Nga të gjitha kontinentet nga Britania e Madhe deri në Azi dhe në të gjithë botën sistemi ynë i medaljeve është sistem i njohur, Shqipëria bën përjashtim flagrant pasi he është i vetmi në botë që falë Ilir Metës dekoron të vdekurit. Në logjikën e sistemit të medaljeve përbën shkelje më të rëndë sesa shkelja e kushtetutës në sensin e antilogjikes”, tha Rama.
