Në Konferencën Vjetore të Komitetit Izraelito-Amerikan të Çështjeve Publike, Kryeministri Rama ka deklaruar se duke filluar nga ky vit, Shqipëria do të ketë linjë direkte ajrore me Izraelin.
Nga Uashingtoni, Rama tha se ajo çka njëherë e një kohë përkufizohej si toka e dytë e hebrejvë, të bëhet shtëpia e dytë për pushime.
“Për herë të parë këtë vit do të kemi një fluturim të drejtpërdrejtë nga Izraeli në Shqipëri gjatë periudhës së verës.
Dua që ajo çka njëherë e një kohë përkufizohej si toka e dytë e hebrejvë, të bëhet shtëpia e dytë për pushime, kështu që jeni mjaft të mirëpritur në Shqipëri”, tha kreu i qeverisë.
