Kryeministri Edi Rama i është drejtuar maturantëve duke thënë se ëndrrat me sy hapur realizohen.
Gjatë një takimi me maturantët fitues të Medaljes së Artë, Rama mori shembullin e futbollistit të Barcelonës Lione Mesi, duke thënë se duhet të besoni për të realizuar ëndrrat tuaj.
“Vazhdoni të besoni fort dhe të jeni të bindur që një ëndërr që e shikoni me sy hapur njeriu është në gjendje ta realizojë, ato me sy mbyllur shpesh herë nuk realizohen, por ato me sy hapur përderisa njeriu mund ta shohë mund ta realizojë. Do thoni ju të gjithë shohin ëndrra me sy hapur, po por nuk bëhen dot të gjithë. Lionel Messi është një. Të gjithë duan të bëhen si Lionel Messi, por nëse u bë Messi siç tregon edhe historia e jetës së ti, u bë sepse donte dhe besonte se do bëhej Lionel Messi. Ishte një fëmijë në një lagje të vjetër të Buenos Aires ai ishte kalama dhe thoshtë që unë do të luaj me Barcelonën dhe ai luan me Barcelonën. Po të shikoni hisotiernë e kampinëve është një histori që përsëritet”, tha Rama.
