Kryeministri Edi Rama ndodhet sot në një vizitë zyrtare në Kiev, së bashku me homologun e tij malazez, Dritan Abazoviç. Gjatë konferencës së përbashkët me presidentin ukrainas, Volodymir Zelensky, Rama është shprehur se Kosova është një nga shtetet që ka përkrahur Kievin gjatë konfliktit me Rusinë, edhe pse ende nuk njihet si shtet nga Ukraina.
Rama tha se Kosova ka sanksionuar Rusinë, duke iu bashkuar shteteve të tjera evropiane që janë rreshtuar krah Ukrainës.
“Ka një vend që Ukraina s’e ka njohur, Kosova dhe pavarësisht kësaj, ajo po bën të njëjtën gjë që po bëjnë të gjithë me sanksione dhe mbështetje të plotë.
Pra këtu jemi në një linjë të mirë-përkufizuar të asaj çfarë jemi ne dhe se çfarë ne përfaqësojmë. Pra besoj se është gjëja e duhur për t’u bërë. Populli i Ukrainës duhet ta dijë tani që në sytë e BE, e ardhmja e tyre është në familjen e BE. Kjo është e vetmja gjë që nënkupton marrja e statusit kandidat.”-tha Rama.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
