Kryeministri Edi Rama deklaroi se Universitetet shqiptare nuk renditen aty ku duhet, dhe kjo për të është e papranueshme. Sipas tij, rankimi global lë për të dëshiruar, ndaj ftoi Universitete publike dhje jopoblike të bëjnë më shumë në këtë aspekt.
Kjo deklaratë e Ramës vjen në një kohë që pedagogët ndodhen në protestë për paga më të larta dhe kushte më të mira, por kryeministri zgjodhi t’iu japë lëmoshë me një rritje prej 7% dhe të mos investojë në cilësinë e arsimit.
“Renditja e Universitetit Shqiptare në hartën globale, kjo edhe për shkak të kohës së humbur së gjatë para reformës, është thjesht e papranueshëm. Por, lajmi i mirë sipas nesh, sipas analizës së bërë, është që, është një renditje që nuk pasqyron kapacitete. Ky është lajm i mirë. Gjëja që kemi vendosur është që të merremi shumë seriozisht me këtë aspekt, që do të thotë që të ndjekim të gjitha kushte, që duhen përmbushur, që nganjëherë janë kushte shumë elementare për të pasur një rankim shumë serioz”, tha Rama.
