Në takimin që po mban me krerët e degëve në selinë blu, ish kryeministri Sali Berisha ka deklaruar se situata në vend është me keq sesa në vitin 1991 ku sapo kishte rënë regjimi komunist i Enver Hoxhës.
Nga selia blu, Berisha tha se është momenti që opozita të aktivizohet për të krijuar frontin opozitar që sipas tij mund të rrëzojë qeverinë të cilën e konsideron si pushtet monist.
“Detyra jonë është të aktivizojmë, t’i tërheqim në veprimin tonë. Të bëjmë gjithçka për të vendosur bashkëpunimin me ta, për të identifikuar çdo organizatë, çdo grup interesi, çdo individ, çdo aleat tonin që duhet të krijojmë me shpejtësi frontin opozitar. Jemi në situatë shumë më të vështirë se në 1991. Atëherë kishim një regjim monist. Askush nuk do angazhohej për rrëzimin e këtij pushteti përveç ne, nëse ne presim se do na vijnë ndihma, ne mashtrojmë veten tonë. Para syve tanë u instalua pushteti total monist i PS. Sot brezi i ri duhet të lexojë për monizmin, kjo është problem, duhet të punojmë shumë, ka marrë fund kushtetuta, nëse nuk ka kontroll, kushtetuta është copë e pavlerë. E them këtë për të theksuar se në çfarë emergjence kombëtare jemi ne. Ramiz Alia nuk arriti që ti imponojë me opozitë të manipoluar, Rama sot 2, 3 individë i merr si përfaqësues të opozitës, u thotë Shqiptarëve se bordet janë komuniste por të mira. Kjo është gjendja, po ku jemi ne? Më të fortë se kurrë, kemi 44 mijë luftëtarë që na përgjigjen në çdo kohë, u konfirmuan 44 mijë luftëtarë, është një pakicë e cila mund të kryejë me sukses mund të ndërtojë dhe udhëheqë një lëvizje të fuqishme e shpëtimtare për Shqipërinë”, tha Berisha.
