Kryeministri Edi Rama dhe Presidenti Ilir Meta urojnë nëpërmjet rrjeteve sociale besimtarët bektashinj festën e Sulltan Novruzit.
Statusi i Metës:
“Të dashur miq,
Në këtë ditë feste dhe optimizmi pranveror, që simbolizon lindjen e shpresës, rigjallërimin e natyrës dhe përkon me lindjen e Imam Aliut, dua t’i uroj mbarë popullit shqiptar dhe në veçanti besimtarëve bektashianë kudo ndodhen: Gëzuar Festën e Sulltan Novruzit!
Shëndet dhe mbarësi paçi gjithmonë në familjet tuaja! Zoti e bekoftë Shqipërinë dhe kombin shqiptar!”
Ndërkohë që Rama bashkagjitur urimit të tij ka hedhur dhe një video me pamje nga transformimi i Amfieteatrit në Parkun e Tiranës.
Statusi i Ramës
“Mirëmëngjes, dhe me këto pamje nga transformimi i Amfiteatrit në Parkun e Tiranës, ju uroj një ditë të mbarë dhe Gëzuar Sulltan Novruzin.”
