Vetëm disa ditë më parë kryeministri Edi Rama alarmoi qytetarët duke thënë se duhet të kursenin me përdorimin e energjisë elektrikë në shtëpi në të kundërt fatura që do të paguajë në fund të muajit do të jetë më e lartë.
Gjatë këtyre 9 viteve në pushtet, kjo qeveri ka treguar që funksionon me dy standarde. Nëse qytetarët duhet t’i rikthehen kohës “së qiriut”, Bashkia e Tiranës mund të vazhdojë të abuzojë me fondet tona.
Në redaksinë e Gijotinës kanë mbërritur disa foto që tregojnë se dritat në kryeqytet janë të ndezura edhe gjatë ditës ndonëse qeveria propagandon lart e poshtë që një dimër i vështirë na pret përpara, për këta të fundit nuk duket i tillë.
Më 1 tetor faturimi i energjisë elektrike nuk do të jetë i njëjtë për të gjithë, si aktualisht me 9.5 lekë për kilovat. Këtë dimër, faturimi do të bëhet me fasha, kush shpenzon mbi 800 kilovat do të paguajë më shtrenjtë dhe numri i familjeve që do t’i prekë kjo fashë pritet të jetë i lartë.
