Radhët që shkaktohen në pikën kufitare të Muriqanit po shfrytëzohen për krijimin e të ardhurave nga romët, të cilët lypin përgjatë këtij aksi.
Pamja nuk është aspak normale ndërsa i gjithë aksi Muriqanit është i mbushur nga dhjetra romë, të cilët u kërkojnë lëmoshë drejtuesve të mjeteve.
Sipas romëve mungesa e punës bën që t’i drejtohen rrugës për lëmoshë.
Gjatë stinës së verës një pjesë e komunitetit rom zhvendosen pranë pikave kufitare ku kërkojnë lëmoshë ndaj drejtuesve të automjeteve.
Por, pavarësisht nevojës së romëve, panorama që ofrohet përgjatë këtij aksi rrugor nuk është aspak normale, përballë turistëve që zgjedhin këtë pikë kufitare për t’u futur në vendin tonë.
/rozafa.tv/
