Kryetarja e Bashkisë Lushnje, Eriselda Sefa ka festuar me të rinjtë e FRESSH-it dhe me të deleguarin e Partisë Socialiste, Taulant Balla. Siç duket, duke menduar se vdekja e 48-vjeçares në derën e zyrës së saj, Shpresa Cani, do të vijonte të mbetej e fshehtë, Sefa e Balla nuk e kanë shtyrë axhendën e festimeve me socialistët, pavarësisht tragjedisë së ndodhur.
Siç duket edhe në fotot e publikuara nga Balla, ‘hareja’ me maturantët dhe postimet me ikona me ‘sytë me zemra’ nuk mungojnë.
Shpresa Cani, 48 vjeçe u paraqit dje në bashki për të kërkuar informacion në lidhje me ndërprerjen e ndihmës ekonomike për familjen e saj, por është përplasur verbalisht me punonjësit e bashkisë dhe kryetaren Eriselda Sefa. Cani ka pësuar infarkt dhe ka ndërruar jetë, por raportimi në media u bë 24 orë me vonesë.
Policia e Shtetit ngurroi të jepte një reagim në kohë reale, ndërsa kryebashkiakja e Lushnjes, Eriselda Sefa, urdhëroi vartësit që të thernin një pulë të zezë, si shenjë për të larguar tersin e ngjarjes që iu ndodhi në institucion.
Reagimi i Bashkisë e rëndonte mungesën e transparencës dhe të të qenit human, kur u tha se në momentin që Canit i ishte komunikuar vendimi se që nga janari do të merrte ndihmë ekonomike, ishte bërë keq! Rrethanat mbeten ende mister e pritet që kamerat e sigurisë dhe hetimet të hedhin dritë mbi këtë çështje.
The post Qytetarja i vdiq në derë,kryebashkiakja e Lushnjës festoi me Ballën appeared first on 27.
