Eksperti për Çështjet e Sigurisë Redion Qirjazi në studion e “ABC News” ka folur për protestat masive në SHBA pas humbjes së jetës së George Floyd gjatë një ndërhyrje policore në Minneapolis.
“Ka një sërë faktorësh që komplomentojnë njëri-tjetrin. Qoftë nga historiku i dhunës, apo sistemi si edhe kultura. Kultura e përdorimit të armëve gjithashtu ka një ndikim”, u shpreh ai.
Më tej ai u shpreh se kjo lëvizje ka lindur në mënyrë shumë organike nga vetë komunitetit.
“Mjafton të shihet historiku që nga 2012. Ndoshta e gjithë situata mund të fokusohet nga çështje të llogaridhënies së policisë. Shikojmë që qytetarët duan drejtësi. Pavarësisht se ka pasur dënime të policëve, por ka pasur raste që lënë të anashkalohen. Llogaridhënia është një element shumë i rëndësishëm. Nëse do të kishte pasur një reformim brenda sistemit të policisë besoj që edhe protestat nuk do të ishin përshkallëzuar në mënyrë të tillë”, tha më tej ai./abcnews.al
