Qeveria ka vendosur më në fund pajisjen e policisë të burgjeve me veshje të reja, pas shumë vitesh me një uniformë. Në bazë të dy vendimeve të Këshillit të Ministrave, thuhet se uniforma e re e policëve të burgjeve do të bazohet në stinë, e freskët në verë dhe e ngrohtë në dimër.
Mësohet gjithashtu, se uniforma do të ketë të reja dhe stemat, gradat dhe simbolet e punonjësve të policisë.
Punonjësit e rolit bazë ne regjimin e jashtëm dhe të brendshëm sipas stinës përfitojnë edhe pelerinë shiu, doreza lëkure, çorape, rrip mesi dhe rrip shumëfunksional.
Sjellim në kujtesë, pak vite më parë bëri bujë tenderi 2.8 mld lekë i uniformave të Policisë së Shtetit, ku ranë në pranga dhe disa zyrtarë të Ministrisë së Brendshme. Në aferë, uniformat kishin çmime të pajustifikueshme, ku një kapele shkonte rreth 350 euro.
