Një tjetër pronë shtetërore shumë herë më e madhe brenda zonave të mbrojtura, kërkohet të jepet me qira të ulët me miratimin e Ministrisë së Mjedisit.
Bëhet fjalë për 2500 metra katror toke, në Parkun e Drilonit, në Tushemisht të Pogradecit.
Sipas dokumentit të njoftimit, vlera dysheme për detyrimin e qirasë është 172,600 lekë në muaj, ndërkohë që mbi 1800 metra katror të pronës janë funksionale për ushtrimin e veprimtarisë turistike në fushën e akomodimit.
Ndërkohë qeveria ka dhënë me qira tek privati pikën turistike të Syrit të Kaltër në Delvinë në vlerën e 72 mijë lekëve apo 600 eurove në muaj.
Sipas njoftimit të ministrisë së Financave dhe Ekonomisë dhënia me qira e pikave më të bukura turistike në vend bëhet me qëllim dhënien në përdorim të saj për ushtrimin e një veprimtarie ekonomike e cila të gjenerojë të ardhura dhe punësimin e banorëve të zonës.
