Policia e Ferizajt përmes një komunikate për media ka bërë të ditur se një person ka mbetur i vrarë në orët e para të mëngjesit të sotëm në rrugën “Rexhep Bislimi” në Ferizaj. Viktima është G.H i moshës 30 vjeçare i cili si rezultat i plagëve të marra ka vdekur në vendin e ngjarjes.
I dyshuar për vrasjen është Q.J (30 vjeç), i cili në vendin e ngjarjes është kapur me armë në dorë. Sipas njoftimit, i dyshuari ka refuzuar urdhrin e policisë për ndalim duke tentuar të qëllojë këta të fundit. Në rrezik për jetën, njëri nga policët e ka qëlluar duke e lënë të plagosur.
I dyshuari është dërguar menjëherë në Qendrën e Mjekësisë Familjare në Ferizaj dhe më pas për trajtim në QKUK. Gjendja e tij është e qëndrueshme dhe jashtë rrezikut për jetë.
