“Është e leverdishme të më quajnë me probleme mendore”,- pohoi 49-vjeçarja shqiptare Klodiana Çela para autoriteteve greke duke refuzuar që të bëjë ekzaminimin psikiatrik.
Ajo këmbëngul në versionin e saj se ka qëlluar me armë kundër ish-partnerit për shkak të fëmijës, që sipas saj, mjeku ia kishte marrë prej pesë vjetësh.
“E vërteta është një. Unë mbrojta jetën e fëmijës tim. Ai tha se do të qëllonte vajzën time që unë të jem fajtore dhe i tha se “nëna jote të shkojë në burg”. Vajza ime vrapoi në rrugë. Është e leverdishme që të më quajnë me probleme mendore.
A e dini pse; Për të mos dëgjuar të vërtetën. Kam të gjitha të drejtat e mia ligjore dhe njerëzore. Ndërsa, nëse do të më çonin në spital psikiatrik nuk do t’i kisha”,- ka thënë artistja. Çela këmbëngul se ajo mori armën për të mbrojtur 13-vjeçaren e saj.
Megjithatë, vajza e saj i ka mohuar akuzat, duke thënë që nëna e saj filloi të qëllonte të atin, i cili ndodhet i lënduar në spital.
/ABC/
