Një shqiptar që lëvizte me dokumente false ka rënë në prangat e policisë italiane. 44-vjeçari shqiptar, identiteti i të cilit ende nuk bëhet me dije u arrestua nga policia e Gorizisë pasi u kap mat gjatë kontrollit në ish-kalimin kufitar Sant’Andrea me patentë shoferi dhe kartë identiteti greke, false.
Shqiptari vinte nga Sllovenia. Gjithashtu, gjatë kontrollit në kabinën e makinës 44-vjeçarit shqiptar iu gjetën dy thika, të dyja me teh 20 cm dhe gjatësi të përgjithshme 34, të fshehura poshtë një ndjenjëse. Shtetasi shqiptar u arrestua në bazë të nenit 497 bis të Kodit Penal, i cili parashikon dënim me burg nga 2 deri në 5 vjet për këdo që posedon dokumente false të vlefshme për ekstradim.
Pas seancës për vërtetimin e arrestimit, Zyra e Emigracionit në Komisariatin e Policisë ka vendosur procedurat e dëbimit.
