Një komandant lufte rus që udhëhoqi batalionin neo-nazist të “Sparta” është qëlluar për vdekje në Ukrainë. Vladimir Zhoga u vra gjatë betejës në qytetin lindor të Ukrainës Volnovakha të shtunën, raporton gijotina.com.
“Sot, komandanti i batalionit të veçantë të zbulimit të Spartës, Kolonel i Gardës Vladimir Zhoga (nom de guerre Vokha), vdiq si një hero në Volnovakha”, shkruante Denis Pushilin, i cili kryeson territorin e shkëputur ukrainas të Donetsk.
Sipas Pushilin, komandanti u vra gjatë një operacioni për evakuimin e civilëve nga Volnovakha , një nga qytetet ku trupat ruse shkelën një marrëveshje armëpushimi të shtunën.
Vdekja e Zhogës është një tjetër goditje e madhe për Putinin, pasi ai humbi dy shefat kryesorë ushtarakë këtë javë.
