Presidenti i Rusisë, Vladimir Putin, thotë se Turqia nuk është vend i sigurtë për udhëtarët rusë.
Kjo, pasi sipas tij, Turqia faktikisht është në gjendje të luftës civile.
Putin më tej ka akuzuar liderët e Turqisë se bashkëpunojnë me terroristët dhe nuk luftojnë kundër tyre.
“Ne konsiderojmë se Turqia është miku ynë, por ne kemi probleme me disa politikanë, sjellja e të cilëve eshte jo normale”, tha Putin.
Raportet ndërmjet Rusisë dhe Turqisë janë përkeqësuar dukshëm kur Turqia rrëzoi një avion ushtarak rus përgjatë kufirit turko-sirian, në nëntor të vitit të kaluar.
