Tetë punonjës të firmës së pastrimit të qytetit të Kuçovës kanë kërcënuar se do të hidheshin nga kulla e ish-Milvës nëse nuk do të riktheheshin në punë.
Raportohet se Luiza Halili, Aziz Isufaj, Donika Bregaj, Shkëlqim Kasëmi, Agron Xhafa, Zoica Prifti, Kristaq Bano dhe Elona Bregaj u hoqën dje nga puna pa asnjë lloj justifikimi dhe kjo ka qenë arsyeja që ata hipën sot në majë të kullës.
Ata kanë deklaruar se këtë akt e ndërmorën pasi ishin hequr nga puna pa të drejtë dhe nuk mund të ushqejnë dot familjet e tyre. Ata kanë deklaruar se në qoftë se nuk do të rimerren në punë, do të tentojnë sërish vetëvrasjen.
Pas negociatave të shumta të policisë dhe përfaqësuesve të firmës së pastrimit të qytetit, ata kanë zbritur që lart dhe janë nisur drejt punës.
