Një punonjëse e një çerdhe në Vlorë ka rezultuar pozitive me Covid.
Pas rastit të parë të konfirmuar me Covid dhe tre anëtarëve të tjerë të stafit që kanë shfaqur simptoma, Inspektoriati Shëndetësor ka vendosur mbylljen e çerdhes numër 2 në Vlorë. Raportohet se çerdhja do të qëndrojë e mbyllur deri më 5 dhjetor. Ndërkohë pjesa tjetër e stafit kanë bërë tamponin dhe janë në pritje të përgjigjes.
Ndërkaq një ditë më parë në vendin tonë janë konfirmuar pozitiv me Covid 565 raste të reja dhe 14 persona kanë humbur jetën.
