Kreu i Bashkisë së Peqinit Lorenc Tosku dhe nënkryetari i saj, Madrit Sula kanë deklaruar se administrat e Bashkisë nuk ka marrë rrogën prej tre muajsh.
Sula argumentoi se kjo ka ardhur nga mungesa e mbledhjes së taksave nga stafi drejtues paraardhës.
Në një lidhje telefonike për Faxweb, Sula garantoi se më datë 2 Shtator, punonjësit do të fillojnë të marrin pagat mujore, ndërsa për pagat e prapambetura tha se duhet pritur për miratimin e projekt-buxhetit të ri që do të bëhet në muajin dhjetor.
“Kjo situatë zgjidhet me mbledhjen e taksave vendore. Për momentin nuk kemi kërkuar ndihmën e qeverisë. Me ardhjen e projekt-buxhetit të ri do të shlyejmë pagat e prapambetura, buxheti vjen në dhjetor. Do të shikohëen kuotat dhe grantet dhe të shohim çfarë bëjmë për shkurtimet.
Më datë dy shtator do të marrin pagat e muajit të fundit ndërsa të prapambeturat do të merren me miratimin e projekt-buxhetit të ri”, tha Sula.
