Këngëtarja e njohur shqiptare me famë ndërkombëtare Dua Lipa e ka “përqafuar” gjithmonë prejardhjen e saj dhe duket se ky është rasti edhe me koleksionin e saj më të ri me Puma-n.
Emri i koleksionit të ri është në shqip dhe është quajtur “Flutur”. Dua Lipa ka qenë prej kohësh imazh i Puma-s por ky është koleksioni i tyre i parë që kur ajo u emërua vjeshtën e kaluar ambasadore e markës.
“Për mua, fluturat janë më shumë se thjesht krijesa të bukura. Ato përfaqësojnë shumë, si transformimin, shpresën dhe metamorfozën. Gjatë vitit të kaluar, flutura është bërë veçanërisht simbolike dhe kuptimplote për mua”, tha Dua Lipa
Koleksioni i frymëzuar nga vitet ’90 do të përfshijë katër stile veshjesh dhe këpucësh dhe logoja e re kombinon semën e Puma-s me një flutur.
