Trajneri i Kombëtares, Edi Reja ka publikuar listën e futbollistëve të grumbulluar për 2 ndeshjet e muajit qershor ndaj Islandës dhe Moldavisë.
Në përzgjedhjet e teknikut italian bie në sy mungesa e mbrojtësit të Atalantës, Berat Gjimshiti si dhe grumbullimi i talentit 19-vjeçar Marash Kumbulla. Mbrojtësi që aktivizohet në Itali me Veronën, pavarësisht se kohët e fundit ka qenë i dëmtuar dhe nuk ka pasur hapësira, ka arritur të bindë trajnerin për të qenë pjesë e Kombëtares A.
Reja ka injoruar 2 futbollistët më në formë të momentit, duke i lënë jashtë liste, bëhet fjalë për Endri Çekiçin dhe Taulant Seferin, të cilët kanë qenë protagonistë absolut kohë e fundit me klubet e tyre. Jashtë listës ka ngelur edhe futbollisti i Osijekut, Kristal Abazaj. Për sa i përket Superiores, italiani ka preferuar vetëm portierët Alban Hoxha dhe Gentian Selmani.
LISTA:
