Ish-kreu i Aleancës Kuq e Zi, Kreshnik Spahiu ka dalë me një reagim të fortë në rrjetet sociale në lidhje me qëndrimin që mbajti dje ish-kryeministri Sali Berisha për ndarjen nga jeta të babait të kryedemokratit Lulzim Basha.
Spahiu shkruan se Berisha me tendencë dje u mor në Kamëz me gjyshin e Belinda Ballukut dhe nuk tha asnjë fjalë për babain e Bashës. Jo vetëm kaq, por Spahiu shkruan se Berisha i trembet se mos Bleinda Balluku i zë vendin Ilir Metës dhe bëhet presidentja e parë femër në vend.
Komenti i plotë:
Pse Berisha s’ngushulloi dje vdekjen e Xhelal Bashës, por çoi nga varri Beqir Ballukun?
Dje Sali Berisha nga foltorja e Kamzës u morr me një të vdekur!
Sipas protokollit zyrtar, i vdekuri i fundit ishte Xhelal Basha (Babi i Lulzim Bashës), por ai heshti.
Po pse Berisha dje nuk përmendi asnjë fjalë për Xhelal Bashën dhe u morr me Beqir Ballukun:
– sepse Berisha s’ka ruajtur asnjë traditë nga Malësia e Gjakovës dhe kodet etike të burrave të asaj treve. Ai çoi nga varri Beqir Ballukun, që të shmangte ngushëllimin për Lulzim Kopukun.
– sepse ndryshe nga Beqir Balluku i cili ishte politikani më popullor i Tironës dhe i kohës së komunizmit, Berisha ishte një servil dhe ushtar i vogël i atij regjimi.
– sepse socialistët ruajnë brez pas brezi gjeneratat e majta, qofshinin nipat e Rita Markos, mbesat e Beqir Ballukut, Llambi Gegpriftit, Gogo Nushit apo Mehmet Shehut. Ndërsa demokratët nën mentalitetin e Sali Berishës kanë shkatërruar gjithë gjeneratat dhe brezat e së djathtës dhe askush nuk gjen më vlerën dhe mbrojtjen ideologjike familjare tek ajo parti.
– sepse Belinda ndryshe nga Lulzimi është mbesa dhe gjaku i një gjyshi të burgosur politik dhe të pushkatuar në tunelet e Tiranës nga diktatura komuniste
– sepse Berisha është i kompleksuar nga ata që rrjedhin nga një gen politik dhe qytetar, duke e kuptuar ndryshimin mes derës Beqirit, krahasuar me derën e të ndjerit Xhelal Basha apo Ram Berisha.
– sepse Berisha kur të shpall luftë të injoron edhe xhenazen, dhe për këtë arsye dje i duhej të shmangte një fjalë ngushëllimi për babin e Lulzim kopukut dhe u morr me gjyshin e Belinda Ballukut.
– sepse dje në Kamëz e cila është qyteza simbol e “Tokës Xanun”, ku toka i takon atij që e pushton sipas ‘Ligjit Berisha’, i duhet të sulmonte Be-Lindën njeriun politik që sot është përfshirë në çlirimin e trojeve të pushtuara.
– sepse Lulzimi dhe babi i tij nuk janë më në listën e Saliut, por mbesa e Beqir Ballukut i prish planet nëse zë vendin e Ilir Metës si e para presidente femër në Shqipëri.
Heshtja për vdekjen e Xhelal Bashës dhe tundja e kockave të Beqir Ballukut, pasqyron qartë amoralitetin dhe mungesën e karakterit të Sali Berishës. Ndryshe nga Edi Rama që ka mbledhur nipa dhe stërnipa të gjeneratave të majta, Berisha as për vdekje nuk i ngushëllon ata që bashkëpunoi tre dekada.
Berishës po i shkele në kallo të trajton brez pas brezi si kufomë politike, prandaj dje në ditën e xhenazes së Xhelalit i trajtoi babë dhe bir si të vdekur.
Dje Berisha duke sulmuar genin e Belindës dhe duke injoruar ADN e Lulzimit, s’bëri gjë tjetër, por thjesht u kthye në origjinën e tij.
