Kryeministri Edi Rama është vënë në siklet kur u pyet nga gazetarët se përse nuk është ndërtuar ende Teatri Kombëtar në vend, apo nëse ka mungesë të fondeve.
Në përgjigje, Rama zgjodhi të justifikohej duke thënë se ndërhyrjet si tërmet, pandemia apo lufta kanë ndikuar në “performancën” e qeverisë, ndërsa shtoi problemi kryesor qëndron nga kalimi në letra i projektit në zbatimin e saj.
“Për fat të keq u bëmë tani tre vjet që bëjmë plane dhe kemi projekte për të realizuar dhe vendi përballet me ndërhyrje të forta faktorësh jashtë nesh. Fatkeqësisht, tërmeti, pandemia dhe lufta, e cila ka goditur shumë në aspektin e rritjes së çmimeve në tërësi dhe ndërtimeve. Jemi duke diskutuar për shkak të këtij fakti se ka pasur një rritje në ndërtim, s’ka ndryshim për projektin, problemi qëndron nga kalimi nga letrat në zbatim, për shkak të rritjes së çmimeve. Është e kot që me çmimin ekzistues t’iu kërkosh kompanive që të investojnë për interesin publik, që janë shumë më të shtrenjta nga sa janë në manualin e vjetër. Patjetër që Teatri do të ndërtohet ashtu si plani që ne kemi publikuar, pasi është futur në mes një ngjarje që nuk mund të parashikohet dhe evitohet”, tha Rama.
